ԳԵՌԱ ՈՍԿԱՆՅԱՆԻ ՀԻՇԱՏԱԿԻՆ

Ապրիլի 7, 1979թ. - մարտի 20, 2015թ.

Ապրիլի 7, 1979թ. - մարտի 20, 2015թ.

Սույն թվականի մարտի 20-ին, 35 տարեկան հասակում կյանքից վաղաժամ հեռացավ Գեռա Ոսկանյանը, Շվեյցարիայի Գլան քաղաքում, որտեղ նա գտնվում էր գործուղման:

Գեռա Ոսկանյանը ծնվել է 1979թ-ի ապրիլի 7-ին, Հայաստանի Արմավիր քաղաքում: Նա WWF-Հայաստանի թիմի արժանի անդամ էր, որին միացել էր 2011թ-ի հունիսին, որպես ծրագրի համակարգող: Այնուհետև, 2012թ-ի օգոստոսից նա դարձավ Համագործակցության և հասարակայնության հետ կապերի բաժնի ղեկավար:

Այդ ժամանակից ի վեր Գեռան մեծ աշխատանք է տարել հասարակայնության հետ կապերի և բազմաթիվ կազմակերպությունների հետ համագործակցության զարգացման ուղղությամբ: Նա նաև սերտորեն համագործակցում էր ԶԼՄ-ների ներկայացուցիչների հետ: Իր վերջին նախաձեռնությունն էր «Մոլորակի Ժամ» համաշխարհային ակցիայի կազմակերպումը Հայաստանում:

Իր բազմաթիվ պարտականությունների հետ մեկտեղ նա պատասխանատու էր նաև 7 երկրներում իրականացվող Արևելյան երկրներում անտառային օրենսդրության կիրառման և կառավարման բարելավման ծրագրի (FLEG) տարածաշրջանային համագործակցության համակարգման համար:
Գեռան չափազանց շատ էր սիրում երեխաներին և այդ իսկ պատճառով նա կազմակերպում էր բազմաթիվ միջոցառումներ դպրոցականների համար և նախաձեռնել էր տարբեր բարեգործական միջոցառումներ ուղղված որբ երեխաների աջակցությանը:

Մասնագիտական առումով Գեռան բարեկիրթ, եռանդուն, պատասխանատու, աջակցող և շատ ընկերասեր անձնավորություն էր, իսկ նրա շրջապատում գտնվելը զուտ հաճույք էր բոլորի համար:
Նա հիանալի հայր էր, սիրող ամուսին, արժանի որդի և հավատարիմ ընկեր:

WWF-Հայաստանի և ամբողջ WWF-ի ցանցի անձնակազմը՝ կիսելով Գեռա Ոսկանյանի ընտանիքի, հարազատների ու բազմաթիվ ընկերների վիշտը, իր խորին ցավակցությունն է հայտնում նրա վաղաժամ մահվան կապակցությամբ:

Գեռայի պայծառ հիշատակը միշտ վառ կմնա մեր սրտերում: