Կլիմա և էներգիա | WWF

Ի՞նչ եք ցանկանում փնտրել

Կլիմա եվ էներգիա

Պահպանենք մեր մոլորակն ապագա սերունդների համար

© WWF Armenia

Կլիմայի փոփոխության բացասական ազդեցությունը կանդրադառնա բոլորի և ամեն ինչի վրա: Հայաստանը բացառություն չէ, ջրային պաշարների արդեն իսկ առկա կրճատմամբ, կրճատված անտառային տարածքներով և անապատացման նշաններով:

Ինչո՞ւ է այդ ամենը կարևոր

Ամբողջ երկրագունդը զգում է կլիմայի փոփոխության հետևանքները: Հայաստանն արդեն իսկ բախվում է այնպիսի խնդիրների հետ, ինչպիսիք են օրինակ անապատացման նախանշանները, անտառների կորուստը: Եթե ժամանակին քայլեր չձեռնարկվեն, ապա շուտով մենք ականատես կլինենք երաշտների, մեծ հրդեհների, անկայուն եղանակային դրսևորումների:

Իսկ դուք գիտե՞ք

Արևային էներգիայի առումով, ամեն տարի Հայաստանն ստանում է 1,720 կՎտ ժամ մեկ քառակուսի մետրի կտրվածքով։ Եվրոպայում միջինը 1000 է:

© WWF Armenia

Ինչո՞վ է WWF-ը զբաղվում

WWF-ը, համագործակցելով տեղական մարմինների հետ, աշխատում է կլիմայի փոփոխության անբարենպաստ հետևանքների կանխման ուղղությամբ։ Պայքարում է անօրինական անտառահատման դեմ, իրականացնում է անտառների կայունության բարձրացմանն ուղղված ծրագրեր: Ավելի դիմացկուն անտառներն ինքնուրույն կկարողանան դիմակայել կլիմայի տատանումներին՝ երաշտ, սառնամանիք, ջրհեղեղ,  և դրանով իսկ կնպաստեն կենսաբազմազանության պահպանմանը:

Մենք ամեն կերպ փորձում ենք խթանել վերականգնվող/այլընտրանքային էներգիայի օգտագործումը և օգտակար հանածոներից ստացված վառելիքի ավելի քիչ օգտագործումը: Սա էականորեն կնվազեցնի այն բացասական հետևանքները, որը մենք թողնում ենք բնության վրա։  

WWF-ն աշխատանքներ է տանում նաև կլիմայի փոփոխության ազդեցության վերաբերյալ տեղեկացվածության մակարդակի բարձրացման ուղղությամբ՝ համագործակցելով կրթական հաստատությունների, տեղական համայնքների և ՀԿ-ների հետ։ 

«Դիլիջան» ազգային պարկում գտնվող «Կովկասյան ազնվացեղ եղջերուների բազմացման կենտրոնն» աշխատում է արևային էներգիայով: Մենք արևային պանելներ ենք տեղադրել նաև համայնքային դպրոցում, ինչպես նաև մի շարք վայրերում փոխարինել ենք հին լամպերն էներգաարդյունավետ LED լույսերով:

© WWF Armenia